Manny “Tondo Boy” Villar, nanguna sa SWS survey. Mar “Mr. Palengke / Mr. Padyak” nasa ikatlong pwesto.

Si Manny “Tondo Boy” Villar ang nanguna sa mga presidentiables para sa 2010 ayon sa SWS survey ngayong ikalawang kwarter ng taon. Hindi na ito nakagugulat o nakapagtataka sapagkat matagal na talagang kilala si Villar ng publiko.

Sunod naman kay Villar ang dati nating pangulo na kung matatandaan ay ipinatalsik sa pamamagitan ng EDSA Dos at nakulong sa kasong Plunder at pagkalaya ay nangakong hindi na muling tatakbo na si Erap Estrada (25%).

Hindi naman papahuli si Mar “Mr. Palengke – slash – Mr. Padyak” sa survey. Nasa ikatlong pwesto si Mar Roxas (20%). Bumaba naman sina Legarda at De Castro (yihee…) sa survey. Napunta sa ika-apat na pwesto si De Castro (19%) at si Legarda (15%) naman ay napunta sa ikalimang pwesto.

Nasa listahan pa rin naman sina Lacson (7%) at Binay (4%). Nakakuha naman ng tig – iisang porsyento sina Gordon, Bayani at PGMA. Ang iba pang mga napupusuang maging pangulo ay sina Teodoro, Pangilinan, Panlilio, Pangilinan, Trillanes, Villanueva at Santiago.

Reaksyon ko sa balitang ito: Epektibo pa rin pala ang mga “commercials-slash-campaign ads” sa telebisyon. Kung matatandaan niyo, noong 2007 ay araw-araw mong makikita at mapapanood ang campaign ad ni Pichay (Itanim sa Senado!). Pero nanalo ba siya? Sina Trillanes at Honasan, mga Senador ngayon na hindi, o kung meron man, ay kaunting campaign ads lamang, pero pareho silang nanalo. Kaya simula noon ay nabago na ang pagtingin ko sa mga commercial/campaign ads. Ngayon, bumabalik na naman tayo sa dati.